<?xml version="1.0" encoding="UTF-8"?><song><title>باغفر ياربى</title>
<lyrics>[V1]
 1- باغفر ياربى للى خلونى حزين واللى ملونى بالمرارة وبالأنين لو حتى نسيوا ومش فى بالهم وحاجه أبعد عن خيالهم إنى اكون لسه فى آلامى طول السنين القرار - أنا مش هاضيع منى تانى فرحتى .. وليه تضيع منى كمان أبديتى علشان إساءة ومهما كانت ماتساويش .. من غيرها أو بيها هاكون وأقدر أعيش 2- دانت كلامك جوه قلبى مايتنسيش قدام عينيك كل آثامى ماتختفيش لو لسه شايل جوه قلبى غلطه من إنسان فى حقى مهما اتوب تفضل ذنوبى ماتتمحيش 3- لما بدين الناس وأحاسب فى الحياة بخطى أوى وباخد مكان الله قاللى بلاش تاخد بتارك دمى هو يطفى نارك بس أطلب منى غفران هاتلقاه 4- مين اللى أقوى واللى عند الله عظيم اللى بيغفر ولا بيدين الأثيم لو مش هاسامح للنهاية هالاقينى خسران فى الحكاية وهم يوصلوا للسما وانا للجحيم</lyrics>
<hymn_number>5326</hymn_number>
<author>صموئيل أنسي, صموئيل أنسي</author>
</song>